الاثنين، 27 أبريل 2015

خياطة غشاء للكرسي






السلام عليكم ورحمة الله وبركاته


غشاء ساهل تصايبيه للكراسى ديالك والفكرة بسيطة وسهلة جدا

1 -خدي مقاس الكرسي كما هو موضح فالصورة
من القعدة لوراء الضهر
2-خودي مقاس عرض ضهر الكرسي وعرض  القعدة دياله

3 -خودي مقاس دورة القعدة ديال الكرسي كلها ونضربها على 3 اما نبغيو نفصلو فثوب على حسب الكشكشة اللى غنعملو فالجوانب
وكدلك خودي مقاس طول الكرسي من القعدة للارض






كنفصلو المقاس رقم 1
اي من القعدة لوراء الضهر
وكنخليو دائما 2 سنتيم على حسب الخياطة
نلصق الجانبين وحدهم وتبقى عندى القعدة مملصقاش

نمر نفصلو مقاس دورة الكرسي كاملة ونضربها على 3 ونعملو كشكشة كلها فيه ونخيطوها مع دورة الكرسي كاملة ..من الضهر للقعدة كما هو موضح فالصور ديال الشرح




هنا اوضح فاش كنلصقو  الثوب مكشكش كله لدورة الكرسي بداية من النقطة 1  رجوعا اليها 





كما هو موضح فالصور دورة الكرسي فاش كنخيطوها بالكشكشة كيف كتكون


بعدما كنساليو من الدورة كلها..
ناخدة مقاس طول الكرسي وكنخيطوه للداخل كما هو مبين فالصورة



هكدا نكونو خلصنا خياطة الكرسي نمر للتزيين

بغيتي فيونكة مربوطة من الجانب الايمن للايسر
كنفصلو شريط من نفس الثوب ونخيطوه فالجوانب ونقلبوه ونخيطو واحد مع الجانب الايمن والشريط الثاني مع الجانب الايسر
ونعقدوه فالوسط كما هو مبين فصورة الكرسي  الشكل 2

اما بنسبة للشكل 1 كنفصلو شريط عريض شوية قرابة20 سنتيمتر
كنخيطوه كله ونقلبوه ونثبثوه بالمكينة كما هو موضح
نجمعو الوسط للحصول على فيونكة بواسطة ابرة وخيط
ونجمعوه مزيان ونعقدو الخيط
نفصلو شريط مربع قصد عمل لفة الفيونكة
نجمعوه كله بكشكشة واحدة 
نلصقوه بالابرة والخيط وراء عقدة الفيونكة
والشكل النهائي كما ترون
اي استفسارات انا حاضرة


ليست هناك تعليقات:

إرسال تعليق